შიდა შემოსავლების მობილიზება და საგადასახადო რეფორმა იმ პირობების ჩამონათვალშია, რომლებიც უკრაინამ ევროკავშირის 90 მილიარდი ევროს კრედიტის ფარგლებში მაკროფინანსური დახმარების მისაღებად უნდა შეასრულოს

მოთხოვნა საგადასახადო რეფორმის გატარებისა და უკრაინის ბიუჯეტის შიდა შემოსავლების მაქსიმალური მობილიზების შესახებ, შეტანილი იქნება იმ პირობების ჩამონათვალში, რომლებიც უკრაინამ ევროკავშირის 90 მილიარდი ევროს კრედიტის ფარგლებში მაკროფინანსური დახმარების შემდეგი ტრანშების მისაღებად უნდა შეასრულოს, თუმცა მისი ვადები ჯერ კიდევ განხილვის პროცესშია. ინფორმაციას ამის შესახებ უკრაინული მედია ავრცელებს.

ევროკავშირი საგადასახადო რეფორმის გატარებას უკრაინისთვის 90 მილიარდი ევროს ოდენობის კრედიტის მაკროფინანსური ნაწილის გამოყოფის ერთ-ერთ პირობად დააფიქსირებს.

„ჩვენ ამჟამად კვლავ ვიმყოფებით უკრაინის ხელისუფლებასთან მოლაპარაკებების ძალიან აქტიურ ფაზაში იმ პირობებთან დაკავშირებით, რომლებიც საფუძვლად უდევს ჩვენს მაკროფინანსური დახმარების პროგრამას“, - განაცხადა ევროკომისარმა ეკონომიკის საკითხებში, ვალდის დომბროვსკისმა.

იმის გათვალისწინებით, რომ უკრაინასთან მოლაპარაკებები კვლავ გრძელდება, ევროკომისარმა მათ დეტალებზე საუბრისგან თავი შეიკავა, თუმცა აღნიშნა, რომ საგადასახადო რეფორმა ევროკავშირის მოთხოვნების ნაწილია.

„შიდა შემოსავლების მობილიზება ამ მოლაპარაკებების მნიშვნელოვანი ნაწილია, ისევე როგორც საგადასახადო რეფორმა, თუმცა ზუსტი პირობები და ელემენტები ჯერ კიდევ განხილვის პროცესშია“, - დასძინა ევროკომისარმა.