თეთრი სახლი: ევროპას შეუძლია კვლავ გახდეს ძლიერი, თუ სიტყვის თავისუფლების ტრადიციულ პრინციპებს ააღორძინებს
თეთრი სახლის მიერ გამოქვეყნებული ტერორიზმთან ბრძოლის ახალი ეროვნული სტრატეგიის მიხედვით, ევროპას შეუძლია კვლავ გახდეს ძლიერი, თუ სიტყვის თავისუფლების ტრადიციულ პრინციპებს ააღორძინებს.
აშშ-ის პრეზიდენტის, დონალდ ტრამპის ადმინისტრაცია ევროპას ტერორიზმთან ბრძოლის კუთხით აკრიტიკებს და ამბობს, რომ უკონტროლო მასობრივმა მიგრაციამ ის ტერორისტების გავრცელების კერად აქცია.
„უკონტროლო მასობრივმა მიგრაციამ ის [ევროპა] ტერორისტების გავრცელების კერად აქცია. ევროპას შეუძლია კვლავ გახდეს ძლიერი, თუ სიტყვის თავისუფლების ტრადიციულ პრინციპებს ააღორძინებს, ისლამიზმის შესახებ სამართლიან დისკუსიებს გამართავს, ტერორიზმისა და კარტელებისგან მომდინარე საფრთხეების შესამცირებლად საკმარის რესურსებს გამოყოფს, ხოლო შემდეგ აქტიურად გააზიარებს ინფორმაციას საფრთხეების შესახებ გლობალურ დონეზე და ტერორიზმთან ბრძოლის ტვირთს გადასცემს მათ, ვინც უსაფრთხოებაზე დიდ პასუხისმგებლობას საკუთარ თავზე აიღებს“, - აღნიშნულია დოკუმენტში.
იმედი
წყარო: imedinews.ge