The New York Times: ტრამპმა ირანთან შესაძლო შეთანხმების თაობაზე გამართული ორსაათიანი შეხვედრა გადაწყვეტილების მიღების გარეშე დატოვა

აშშ-ის პრეზიდენტმა, დონალდ ტრამპმა ირანთან შესაძლო შეთანხმების თაობაზე გამართული ორსაათიანი შეხვედრა გადაწყვეტილების მიღების გარეშე დატოვა. ინფორმაციას ამის შესახებ გამოცემა The New York Times-ი ადმინისტრაციის მაღალჩინოსანზე დაყრდნობით ავრცელებს.

მანამდე სოციალურ ქსელში ტრამპმა მიანიშნა, რომ თეთრი სახლის სიტუაციურ ოთახში გამართული ამ შეკრების დროს „საბოლოო გადაწყვეტილების მიღებას“ აპირებდა.

შეხვედრამდე სოციალურ ქსელ Truth Social-ში გამოქვეყნებულ პოსტში ტრამპი დაჟინებით მოითხოვდა, რომ ცეცხლის შეწყვეტის რეჟიმის გახანგრძლივების შესახებ შეთანხმება უნდა მოიცავდეს ირანის მიერ ჰორმუზის სრუტის გახსნას, პირობას, რომ ის არასოდეს შექმნის ბირთვულ ბომბს, და შეერთებული შტატებისთვის ირანის გამდიდრებული ურანის გატანის ნებართვის მიცემას.

ირანმა მსგავს პირობებზე არაერთხელ განაცხადა უარი.