The Times of Israel: ევროკავშირი აფრთხილებს, რომ შესაძლოა სანქციები დაუწესოს იმ პირებს, რომლებიც დაკავშირებულნი არიან ისრაელში მარცვლეულის გადამზიდი რუსული გემების შესვლასთან

ევროკავშირმა „ცნობად მიიღო“ გავრცელებული ინფორმაცია იმის შესახებ, რომ ისრაელმა რუსეთის მიერ ოკუპირებული უკრაინიდან მარცვლეულით დატვირთულ რუსულ გემს ჰაიფას პორტში ტვირთის დაცლის უფლება მისცა.

ევროკავშირი გმობს აღნიშნულ ტრანზაქციებს და აფრთხილებს ჩართულ მხარეებს, რომ მათ შესაძლოა ევროკავშირის სანქციები დაეკისროთ.

„ჩვენ ვგმობთ ყველა ქმედებას, რომელიც ეხმარება რუსეთის უკანონო საომარი ძალისხმევის დაფინანსებასა და ევროკავშირის სანქციებისთვის გვერდის ავლას. მზად ვართ, საჭიროების შემთხვევაში, მსგავსი ქმედებების საპასუხოდ სანქციები დავუწესოთ ფიზიკურ პირებსა და სუბიექტებს მესამე ქვეყნებში“, - განუცხადა ევროკავშირის წარმომადგენელმა გამოცემა The Times of Israel-ს.

„უკრაინასთან ერთობლივი დემარშის ფარგლებში, ჩვენ ისრაელის ხელისუფლებას ამ საკითხთან დაკავშირებით დამატებით ინფორმაციას ვთხოვთ“, - დასძინა სპიკერმა მას შემდეგ, რაც უკრაინამ დღეს ისრაელის ელჩი კიევში დაიბარა, რათა მომხდარი გაეპროტესტებინა და აღეკვეთა ისრაელის მიერ კიდევ ერთი მსგავსი გემის მიღება.