თორნიკე ფაღავა: მიხეილ სააკაშვილი ციხიდანაც კი ახერხებს, ე.წ. ალიანსი მის ირგვლივ შემოიკრიბოს და ახალგაზრდა ლიდერებს გაახსენოს, რომ ყველაფერი მის ირგვლივ ტრიალებს

ევროპასთან ინტეგრაციის საპარლამენტო კომიტეტის თავმჯდომარის მოადგილემ, თორნიკე ფაღავამ რადიკალურ ოპოზიციაში გაჩენილ მწვავე დაპირისპირებაზე ისაუბრა.

მისივე თქმით, მიხეილ სააკაშვილი ციხიდანაც კი ახერხებს, შეახსენოს ყველას, რომ ყველაფერი მის ირგვლივ ტრიალებს

„კონკრეტული დაპირისპირებები აქვთ იმასთან დაკავშირებით, თუ ვინ იქნება თავმჯდომარე და ვინ იქნება მოადგილე. ერთი რამ ნათელია, რომ მიხეილ სააკაშვილი ციხიდანაც კი ახერხებს, რომ „ნაციონალური მოძრაობა“ და არა მარტო „ნაციონალური მოძრაობა“, ზოგადად ეს ე.წ. ალიანსი მის ირგვლივ შემოიკრიბოს და ყველას, მათ შორის ახალგაზრდა ლიდერებს, რომელთაც ჰქონდათ ილუზია, რომ რაღაცებს მიხეილ სააკაშვილისგან დამოუკიდებლად თვითონ შეძლებდნენ, მათ კიდევ ერთხელ გაახსენა, რომ ყველაფერი მის ირგვლივ ტრიალებს და ე.წ. ალიანსი არის „ნაციონალური მოძრაობის“, დედაპარტიის განაყოფები“, - განაცხადა ფაღავამ.

26 მაისის აქციის შემდეგ, ოპოზიციაში დაპირისპირება გამწვავდა. სააკაშვილი, მელია, გვარამია, ჩერგოლეიშვილი, ბეჟაშვილი, ჟორჟოლიანი და სხვები ერთმანეთის პირისპირ.