ტრამპი აცხადებს, რომ კიმ ჩენ ინთან კომუნიკაცია ჰქონდა და აღნიშნავს, რომ მათ „ძალიან კარგი ურთიერთობა“ აქვთ

აშშ-ის პრეზიდენტმა, დონალდ ტრამპმა პარასკევს განაცხადა, რომ მას ჰქონდა კომუნიკაცია ჩრდილოეთ კორეს ლიდერთან, კიმ ჩენ ინთან და მათ შორის არსებული ურთიერთობა შეაფასა, როგორც „ძალიან კარგი“.

„იცით, მე ძალიან კარგი, საკმაოდ მშვიდი ურთიერთობა მაქვს კიმ ჩენ ინთან“, - განუცხადა ტრამპმა ჟურნალისტებს Air Force One-ის ბორტზე, ჩინეთიდან დაბრუნებისას.

კითხვაზე, ჰქონდა თუ არა მას რაიმე სახის კომუნიკაცია ჩრდილოეთ კორეის ლიდერთან, ტრამპმა უპასუხა: „დიახ“.

„მნიშვნელობა არ აქვს, ამის შესახებ არ გეტყვით“, - თქვა ტრამპმა, როდესაც დაეკითხნენ, თუ რამდენჯერ გამართეს მათ მოლაპარაკებები.

„ის პატივს სცემს ჩვენს ქვეყანას. მე მინდა, რომ ის პატივს სცემდეს მას. ის პატივისცემით ეპყრობა ჩვენს ქვეყანას“, - დასძინა ტრამპმა.

ტრამპმა ჟურნალისტებს ასევე განუცხადა, რომ პეკინში ვიზიტის დროს ჩინეთის პრეზიდენტთან, სი ძინპინთან ერთად ჩრდილოეთ კორეის საკითხი განიხილა.