ტრამპის განცხადებით, მან და სი ძინპინმა ტაივანის საკითხი ძალიან დეტალურად განიხილეს

აშშ-ის პრეზიდენტმა, დონალდ ტრამპმა პარასკევს განაცხადა, რომ მან და ჩინეთის პრეზიდენტმა სი ძინპინმა შეხვედრების დროს „ძალიან დეტალურად“ განიხილეს ტაივანის საკითხი და კუნძულისთვის აშშ-ის მიერ იარაღის მიყიდვის თემა.

„ჩვენ ძალიან დეტალურად განიხილეთ ტაივანი, მთელი ეს ამბავი იარაღის მიყიდვასთან დაკავშირებით და მე მივიღებ გადაწყვეტილებებს, თუმცა, იცით, ვფიქრობ, ყველაზე ნაკლებად, რაც ახლა გვჭირდება, არის ომი 9 500 მილის მოშორებით“, - განუცხადა ტრამპმა ჟურნალისტებს Air Force One-ის ბორტზე.

კითხვაზე, დაიცავდა თუ არა შეერთებული შტატები ტაივანს ჩინეთთან კონფლიქტის შემთხვევაში, ტრამპმა პირდაპირ პასუხს თავი აარიდა და აღნიშნა, რომ სი ძინპინმა მას ზუსტად იგივე კითხვა დღის დასაწყისში უკვე დაუსვა.

„არსებობს მხოლოდ ერთი ადამიანი, ვინც ეს იცის, ხომ იცით ვინც არის? მე, მე ვარ ერთადერთი ადამიანი“, - თქვა ტრამპმა.

„ეს კითხვა დღეს პრეზიდენტმა სიმ დამისვა“, - დასძინა ტრამპმა და განმარტა, რომ სი ძინპინმა ჰკითხა, დაიცავდა თუ არა აშშ ტაივანს. „მე ვუთხარი, რომ ამ თემაზე არ ვსაუბრობ“.