თურქეთის სპეცწარმომადგენელი ახალქალაქი-ყარსის რკინიგზის გახსნაზე: იმედს ვიტოვებ, რომ ეს ახალი წინ გადადგმული ნაბიჯი ასევე გააძლიერებს თურქეთ-სომხეთ-აზერბაიჯან-საქართველოს ოთხმხრივ თანამშრომლობას

თურქეთის სპეცწარმომადგენელი სომხეთთან ურთიერთობების ნორმალიზაციის საკითხებში ახალქალაქი-ყარსის რკინიგზის აღდგენის შესახებ ნიკოლ ფაშინიანის განცხადებას ეხმაურება. შესაბამისი პოსტი სერდარ ქილიჩმა სოციალურ ქსელში გამოაქვეყნა.

​„ახალი ნაბიჯი პირდაპირ ვაჭრობის მიმართულებით თურქეთ-სომხეთის ურთიერთობების ნორმალიზაციის პროცესის ფარგლებში. იმედს ვიტოვებ, რომ ეს ახალი წინ გადადგმული ნაბიჯი ასევე გააძლიერებს თურქეთ-სომხეთ-აზერბაიჯან-საქართველოს ოთხმხრივ თანამშრომლობას და მნიშვნელოვან წვლილს შეიტანს რეგიონულ მშვიდობასა და სტაბილურობაში. ვუსურვებ წარმატებას და კეთილდღეობას ყველა ამ ქვეყანას“, - ქილიჩი.

Türkiye-Ermenistan normalleşme süreci kapsamında doğrudan ticarette yeni bir adım.Türkiye-Ermenistan-Azerbaycan ve Gürcistan dörtlü işbirliğini de geliştirecek,bölgesel barış ve istikrara da önemli katkıda bulunacak bu yeni adımın tüm bu ülkelere hayırlı olmasını diliyorum. pic.twitter.com/cnfTRfPLzF — Serdar KILIÇ (@serdarkilic9) May 24, 2026

">TWITTER POST

მანამდე ნიკოლ ფაშინიანმა განაცხადა, რომ სომხური პროდუქციის ექსპორტისა და იმპორტისთვის, აზერბაიჯანის მიმართულების შემდეგ, საქართველოს გავლით თურქეთის რკინიგზაც გაიხსნა.