თურქეთის სპეცწარმომადგენელი ახალქალაქი-ყარსის რკინიგზის გახსნაზე: იმედს ვიტოვებ, რომ ეს ახალი წინ გადადგმული ნაბიჯი ასევე გააძლიერებს თურქეთ-სომხეთ-აზერბაიჯან-საქართველოს ოთხმხრივ თანამშრომლობას

თურქეთის სპეცწარმომადგენელი სომხეთთან ურთიერთობების ნორმალიზაციის საკითხებში ახალქალაქი-ყარსის რკინიგზის აღდგენის შესახებ ნიკოლ ფაშინიანის განცხადებას ეხმაურება. შესაბამისი პოსტი სერდარ კილიჩმა სოციალურ ქსელში გამოაქვეყნა.

​„ახალი ნაბიჯი პირდაპირ ვაჭრობის მიმართულებით თურქეთ-სომხეთის ურთიერთობების ნორმალიზაციის პროცესის ფარგლებში. იმედს ვიტოვებ, რომ ეს ახალი წინ გადადგმული ნაბიჯი ასევე გააძლიერებს თურქეთ-სომხეთ-აზერბაიჯან-საქართველოს ოთხმხრივ თანამშრომლობას და მნიშვნელოვან წვლილს შეიტანს რეგიონულ მშვიდობასა და სტაბილურობაში. ვუსურვებ წარმატებას და კეთილდღეობას ყველა ამ ქვეყანას“, - კილიჩი.

მანამდე ნიკოლ ფაშინიანმა განაცხადა, რომ სომხური პროდუქციის ექსპორტისა და იმპორტისთვის, აზერბაიჯანის მიმართულების შემდეგ, საქართველოს გავლით თურქეთის რკინიგზაც გაიხსნა.