უკრაინული მედია: მაისში უკრაინისთვის ევროკავშირში გაწევრიანების შესახებ მოლაპარაკებების პირველი კლასტერის გახსნა არარეალურია
უკრაინასთან ევროკავშირში გაწევრიანების შესახებ მოლაპარაკებების გახსნა კლასტერების დონეზე მაისში არ იგეგმება და ტექნიკურად ვეღარც მოესწრება. ინფორმაციას უკრაინული მედია საკუთარ წყაროებზე დაყრდნობით ავრცელებს.
როგორც წყაროებმა მედიას განუცხადეს, ევროკავშირის ინსტიტუტების დღის წესრიგში მაისში ასეთი გეგმა ჩაწერილი არ არის.
რამდენიმე ევროპელი ჩინოვნიკის განცხადებით, ტრადიციულად კლასტერების შესახებ გადაწყვეტილება ევროკავშირის საგარეო საქმეთა მინისტრების შეხვედრაზე მიიღება. უახლოესი ასეთი შეხვედრა 26 მაისს იგეგმება. მისი დღის წესრიგი უკვე ცნობილია და იქ მოლაპარაკებების დაწყების შესახებ არაფერი წერია.
მიუხედავად იმის, რომ ევროკომისიამ ევროკავშირის საბჭოს წევრ სახელმწიფოებისთვის განსახილველად უკრაინასთან დაკავშირებით ექვს კლასტერთან მიმართებით სკრინინგული ანგარიშები წარუდგინა, მათი ანალიზი მხოლოდ ექსპერტულ დონეზე მოხდა და სამსჯელოდ არ გასულა.
იმედი
წყარო: imedinews.ge