უკრაინული მედია: რუმინეთის პრეზიდენტის განცხადებით, ქალაქ გალაცში საცხოვრებელ სახლზე ჩამოვარდნილმა რუსულმა უპილოტო საფრენმა აპარატმა, სავარაუდოდ, ტრაექტორია მას შემდეგ შეიცვალა, რაც მას უკრაინის საჰაერო თავდაცვამ მიაყენა ზიანი
რუმინეთის ქალაქ გალაცში საცხოვრებელ სახლზე ჩამოვარდნილმა რუსულმა უპილოტო საფრენმა აპარატმა, სავარაუდოდ, ტრაექტორია მას შემდეგ შეიცვალა, რაც მას უკრაინის საჰაერო თავდაცვამ მიაყენა ზიანი. უკრაინული მედიის ინფორმაციით, ამის შესახებ ჟურნალისტებს რუმინეთის პრეზიდენტმა, ნიკუშორ დანმა განუცხადა.
სახელმწიფოს მეთაურის თქმით, რუსეთის მასირებული საჰაერო თავდასხმის დროს, უკრაინულმა თავდაცვის ძალებმა მოწინააღმდეგის სამიზნეების ნაწილი ჩამოაგდეს. ერთ-ერთი უპილოტო საფრენი აპარატი მეზობელი ქვეყნის საჰაერო სივრცეში დაზიანდა, რამაც გამოიწვია კიდეც მისი ჩამოვარდნა რუმინეთის ტერიტორიაზე.
„უკრაინის ტერიტორიაზე გადაფრენისას ზოგიერთი დრონი ჩამოაგდეს, ხოლო ერთ-ერთმა მათგანმა, რომელიც სავარაუდოდ ქალაქ რენის თავზე იყო დაზიანებული, მოძრაობის ტრაექტორია შეიცვალა და გალაცისკენ გაემართა“, - აღნიშნა ნიკუშორ დანმა.
რუმინეთის პრეზიდენტმა დააკონკრეტა, რომ რუსული უპილოტო საფრენი აპარატის მოძრაობის მიმართულების შეცვლა და მისი შემდგომი გამოჩენა რუმინულ ქალაქში კინეტიკური დარტყმის შედეგი იყო. ამასთანავე, დანმა გაუსვა ხაზი იმას, რომ გალაცში მომხდარ ინციდენტსა და მის შედეგებზე პასუხისმგებლობა რუსეთს ეკისრება, რომელმაც ეს დაბომბვა წამოიწყო.
იმედი
წყარო: imedinews.ge