უკრაინული მედია: უკრაინამ გასულ ღამეს ორი რუსული Tu-142 ტიპის თვითმფრინავი და „ისკანდერის“ სარაკეტო სისტემა გაანადგურა
იმედი|imedinews.ge
უკრაინის შეიარაღებულმა ძალებმა დრონებით რუსული Tu-142 ტიპის ორი თვითმფრინავი და „ისკანდერის“ ბალისტიკური სისტემა გაანადგურა. ინფორმაციას უკრაინული მედია ავრცელებს.
მედიის ცნობით, „ისკანდერისა“ და ორი Tu-142-ს განადგურება უკრაინულმა დრონებმა როსტოვის ოლქში მდებარე ქალაქ ტაგანროგის პორტზე განხორციელებული თავდასხმისას მოახერხეს.
შორ მანძილზე მფრინავი Tu-142 ტიპის თვითმფრინავი რუსეთის სამხედრო-საზღვაო ძალების მიერ გამოიყენება. ის სტრატეგიული ბომბდამშენის Tu-95-ის ბაზაზეა აწყობილი. თვითმფრინავს უკრაინაზე თავდასხმებისთვის ხშირად იყენებენ.
„ისკანდერი“ კი არის რუსული ოპერატიულ-ტაქტიკური სარაკეტო სისტემა, რომელსაც რაკეტის გაშვება 500 კილომეტრის რადიუსით შეუძლია.
გაზიარება:
იმედი
წყარო: imedinews.ge