უნგრეთის ახალ მთავრობაში განაცხადეს, რომ უკრაინაში სამხედროების გაგზავნას არ აპირებენ

უნგრეთის საგარეო საქმეთა მინისტრობის კანდიდატმა ანიტა ორბანმა განაცხადა, რომ ქვეყანა უკრაინაში სამხედროებს არ გაგზავნის. ამ თემაზე კომენტარი ორბანმა, რომელიც ასევე ვიცე-პრემიერის პოსტს დაიკავებს, ორშაბათს პარლამენტის ევროპულ საქმეთა კომიტეტში მოსმენების დროს გააკეთა.

კითხვაზე, გაგზავნიდა თუ არა ის ჯარისკაცებს უკრაინაში, ორბანმა უპასუხა: „რა თქმა უნდა, არა“.

მან ასევე განაცხადა, რომ უნგრეთი ევროკავშირის პოლიტიკის მიმართ ვეტოს უფლებას შანტაჟის ინსტრუმენტად აღარ გამოიყენებს და ძალისხმევას არ დაიშურებს ევროკავშირისა და ნატოს პარტნიორების ნდობის აღსადგენად.