ურსულა ფონ დერ ლაიენი: რუსეთის აგრესიულმა ომმა კიდევ ერთი წითელი ხაზი გადაკვეთა. რუმინეთსა და რუმინელ ხალხს სრულ სოლიდარობას ვუცხადებთ

ევროკომისიის პრეზიდენტი ურსულა ფონ დერ ლაიენი რუსული დრონის მიერ რუმინეთის საჰაერო სივრცის დარღვევას სოციალურ ქსელ X-ში გამოეხმაურა.

როგორც ფონ დერ ლაიენმა დაწერა, რუსეთის აგრესიულმა ომმა კიდევ ერთი წითელი ხაზი გადაკვეთა. მისი განმარტებით, ევროკავშირი რუსეთის წინააღმდეგ სანქციათა 21-ე პაკეტს ამზადებს.

„რუსეთის აგრესიულმა ომმა კიდევ ერთი წითელი ხაზი გადაკვეთა. რუსული დრონის მიერ რუმინეთის მჭიდროდ დასახლებულ რეგიონზე განხორციელებული შეტევის შედეგად მშვიდობიანი მოსახლეობა დაშავდა. ეს ევროკავშირის ტერიტორიაა. რუმინეთს და რუმინელ ხალხს სრულ სოლიდარობას ვუცხადებთ. იმ ფონზე, როდესაც ჩვენ ვაგრძელებთ უსაფრთხოებისა და შეკავების პოლიტიკის გაძლიერებას, განსაკუთრებით ჩვენს აღმოსავლეთ საზღვარზე, კვლავ გავაგრძელებთ რუსეთზე ზეწოლის გაზრდას. სანქციების 21-ე პაკეტს ვამზადებთ“, - დაწერა ფონ დერ ლაიენმა.

ცნობისთვის, გვიან ღამით რუსული დრონი რუმინეთის ქალაქ გალაცში 10-სართულიან საცხოვრებელ სახლს შეეჯახა. ინციდენტის შედეგად ორი ადამიანი დაშავდა. ისინი საავადმყოფოში გადაიყვანეს.

Russia’s war of aggression has crossed yet another line. A Russian drone incursion struck a densely populated area in Romania, injuring civilians. On EU territory. We stand in full solidarity with Romania and its people. As we continue strengthening our security and… — Ursula von der Leyen (@vonderleyen) May 29, 2026