Washington Post: ირანთან ომი ამერიკული იარაღის მარაგებს საფრთხეს უქმნის და მოკავშირეები უკრაინაზე ღელავენ

აშშ-ის მოკავშირეები ევროპაში სულ უფრო მეტად გამოხატავენ შეშფოთებას ამერიკის პრეზიდენტის, დონალდ ტრამპის ადმინისტრაციის მიერ უკრაინის შეიარაღების პროგრამით, რადგან ირანთან ომი ამერიკულ მარაგებს ამცირებს. ინფორმაციას Washington Post-ი 10 დიპლომატზე დაყრდნობით ავრცელებს.

როგორც დიპლომატები ამბობენ, ძირითად პრობლემას ირანთან ომით გამოწვეული ამერიკული შეიარაღების მიწოდების დროში გაწელვა წარმოადგენს. როგორც გამოცემა წერს, ამერიკელებმა ირანთან ომში მაღალი სიზუსტის იარაღი სწრაფად დახარჯეს.

Washington Post-ის ინფორმაციით, ირანში ომის დაწყების დღიდან ტრამპის ადმინისტრაციას ევროპისთვის იარაღი არ მიუწოდებია. თუმცა ევროპელი ჩინოვნიკები მეტად შეწუხებულნი არიან იმით, რომ ამერიკული შეიარაღების დეფიციტი, რომელიც მათ საკუთარ მარაგებზე უკვე აისახა, უკრაინაზეც იმოქმედებს.

გამოცემა მკითხველს შეახსენებს, რომ ევროპული ქვეყნები უკრაინისთვის ამერიკულ შეიარაღებას PURL პროგრამის მეშვეობით ყიდულობენ. პროგრამა გასული წლის ზაფხულს ნატოსთან ერთად დამტკიცდა. PURL-ის მიზანია უკრაინა უზრუნველყოს ისეთი შეიარაღებით, როგორიცაა საზენიტო-სარაკეტო კომპლექსები.

პროგრამის ამოქმედება ტრამპის პოლიტიკური გამარჯვებაც იყო, რადგან მან პირობა დადო, რომ უკრაინის ომში ფულს აღარ დახარჯავდა.

მაგრამ უკანასკნელ თვეებში ევროპელები პროგრამას სკეპტიკურად უყურებენ, ხოლო ქვეყნების ნაწილი თანხის გამოყოფას არ ჩქარობს.