ზელენსკი: პუტინის მიერ შეხვედრაზე უარის თქმა ნიშნავს, რომ რუსეთი კვლავ ომს ირჩევს

მას შემდეგ, რაც ვლადიმირ პუტინმა განაცხადა, რომ ვოლოდიმირ ზელენსკისთან შეხვედრის „აზრს ვერ ხედავს“, უკრაინის პრეზიდენტმა რუს კოლეგას უპასუხა.

ზელენსკიმ განაცხადა, რომ პუტინის ეს პოზიცია რუსეთის მხრიდან „კვლავ ომის არჩევას“ ნიშნავს, თავად პასუხს კი „სუსტი“ უწოდა.

„მას უბრალოდ არ სურს ომის დასრულება. პუტინს არაფრის შეცვლა არ უნდა და არ სურს აღიარება, რომ ეს ომი მხოლოდ მას და მათ მოსწონთ, ვინც ამით ფულს შოულობს“, - დასძინა უკრაინის პრეზიდენტმა.

ზელენსკის თქმით, ყველა, ვინც დღეს სანქტ-პეტერბურგში პუტინს მხარს უჭერს და „იღიმის“, უნდა აცნობიერებდეს, რომ ეს ნიშნავს ერთ რამეს: „რუსეთში ნაკლები ფული უნდა დარჩეს, მათზე ზეწოლა კი - გაძლიერდეს“.