ზელენსკი: რუსეთის ფინანსური შესაძლებლობები ომის წარმოებისთვის უკრაინისას დაახლოებით ორჯერ აღემატება
უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთი ომზე დაახლოებით 340 მილიარდ ევროს ხარჯავს, მაშინ როდესაც უკრაინის დანახარჯები 140 მილიარდ ევროს შეადგენს.
ამის შესახებ პრეზიდენტმ, კიევში გამართული „მსურველთა კოალიციის“ სამიტის შედეგებისადმი მიძღვნილ პრესკონფერენციაზე განაცხადა.
ზელენსკის თქმით, რუსეთის ფინანსური შესაძლებლობები ომის წარმოებისთვის უკრაინისას დაახლოებით ორჯერ აღემატება.
მან ხაზგასმით აღნიშნა, რომ უკრაინას სჭირდება არა უბრალოდ თანაბარი დაფინანსება, არამედ პარიტეტი განადგურების ძირითადი საშუალებების, კერძოდ, შორ მანძილზე მოქმედი დრონების რაოდენობის კუთხით.
პრეზიდენტმა ხაზი გაუსვა საბრძოლო მოქმედებების რუსეთის ტერიტორიაზე გადატანის აუცილებლობას, რათა რუსულმა საზოგადოებამ საკუთარ თავზე იგრძნოს ომის შედეგები და ამან რუსეთის ხელმძღვანელობას რეალური მოლაპარაკებებისკენ უბიძგოს.
იმედი
წყარო: imedinews.ge