ზელენსკის ინფორმაციით, უკრაინამ სანკტ-პეტერბურგის ნავთობის ტერმინალი დაბომბა
უკრაინის შეიარაღებულმა ძალებმა რუსეთის ქალაქ სანკტ-პეტერბურგში მდებარე ნავთობის ტერმინალი დრონებით დაბომბა. ინფორმაციას უკრაინის პრეზიდენტი ვოლოდიმირ ზელენსკი „ტელეგრამის“ საკუთარ არხზე ავრცელებს.
„დღეს ღამე რუსეთის ტერიტორიაზე მდებარე მნიშვნელოვანი ობიექტები დაიბომბა. მათ შორისაა პეტერბურგის ნავთობის ტერმინალი. უკრაინის სახელმწიფო საზღვრიდან ომზე მომუშავე რუსული სანავთობო მრეწველობის ამ ობიექტამდე დაახლოებით 1 100 კილომეტრია“, - დაწერა ზელენსკიმ.
მან უკრაინელ სამხედროებს მადლობა გადაუხადა.
ინფორმაციას დაბომბვის შესახებ უკრაინული მედიაც ავრცელებს და აღნიშნავს, რომ ამ დრომდე პეტერბურგის მიდამოებში ძლიერი დაკვამლიანებაა.
აღსანიშნავია, რომ დღეს პეტერბურგში საერთაშორისო ეკონომიკური ფორუმი იხსნება. ღონისძიების მონაწილეებს რუსეთის პრეზიდენტმა ვლადიმერ პუტინმა უნდა მიმართოს.
იმედი
წყარო: imedinews.ge