დევნილი ოჯახებისთვის ფულადი კომპენსაციებიც გაიცემა ბინების ნაცვლად - კობახიძე - Netgazeti

ირაკლი კობახიძის განცხადებით, დევნილთა განსახლების პროგრამის ფარგლებში, დევნილი ოჯახების საცხოვრისით უზრუნველყოფის მიზნით, მთავრობა დამატებითი ინიციატივას იჩენს, ვინაიდან, კობახიძის თქმით, მიმდინარე ტემპით ყველა დევნილის ბინით უზრუნველყოფას კიდევ სულ მცირე 10 წელი დაჭირდება.

“შთამბეჭდავი შედეგების მიუხედავად, კვლავაც მრავალი დევნილი ოჯახი დასაკმაყოფილებელი რჩება. პროცესების დასაჩქარებლად მივიღეთ გადაწყვეტილება, საცხოვრებელი კორპუსების მშენებლობის პარალელურად, შემოვიღოთ ნებაყოფლობითი ფულადი კომპენსაციები”.

როგორც კობახიძე ამბობს, ამჟამად საუბარია 10 ათასი ლარის გაცემაზე დევნილთა ოჯახის თითოეულ წევრზე. აქვე ის იმედს გამოთქვამს, რომ აღნიშნული ინიციატივით ათასობით დევნილი ოჯახი ისარგებლებს.

კობახიძის თქმით, ამ პროგრამისთვის მიმდინარე წელს უკვე 58 მილიონი ლარია გამოყოფილი.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.