მთავარი
BM.GEწყარო
  1. მთავარი
  2. BM.GE
  3. 2027 წლის ბიუჯეტის პროექტში ანაკლიის პორტის და გზის მშენებლობისთვის ₾155 მილიონია გათვალისწინებული
2027 წლის ბიუჯეტის პროექტში ანაკლიის პორტის და გზის მშენებლობისთვის ₾155 მილიონია გათვალისწინებული

2027 წლის ბიუჯეტის პროექტში ანაკლიის პორტის და გზის მშენებლობისთვის ₾155 მილიონია გათვალისწინებული

BM.GE1 ოქტომბერი, 2026, 15:18|bm.ge

ფინანსთა სამინისტრომ 2027 წლის ბიუჯეტის პირველადი პროექტი პარლამენტს წარუდგინა - დოკუმენტში ანაკლიის ღრმაწყლოვანი პორტის მშენებლობისთვის საერთო ჯამში 155 მილიონი ლარი არის გათვალისწინებული, რაც მიმდინარე წელთან შედარებით 60 მილიონი ლარით მეტია. აღნიშნული თანხიდან უშუალოდ პორტის ინფრასტრუქტურის მშენებლობის, ტალღმტეხელის და ფსკერის დაღრმავების სამუშაოებისთვის 125 მილიონი ლარი, ხოლო პორტთან მისასვლელი გზის მშენებლობისთვის 30 მილიონი ლარი.

პორტის ინფრასტრუქტურის მშენებლობა მიმდინარეობს 2024 წლის აგვისტოში, ბელგიურ კომპანია Jan De Nul-თან გაფორმებული კონტრაქტის ფარგლებში. თავდაპირველად აღნიშნული კონტრაქტი 204 მილიონი დოლარი იყო, თუმცა 2026 წლის გაზაფხულზე ის 150 მილიონ დოლარამდე დაკორექტირდა. აღნიშნული კონტრაქტის ფარგლებში წელს გადახდები 50 მილიონ ლარზე, ხოლო მომდევნო წელს კი 125 მილიონ ლარზე არის დაგეგმილი.

რაც შეეხება მისასვლელი გზის მშენებლობას, პორტთან დაკავშირებისთვის საჭიროა 18-კილომეტრიანი მისასვლელი გზის და რკინიგზის მშენებლობა. აღნიშნული პროექტისთვის 2026 წლის ბიუჯეტში 45 მილიონი ლარი არის გათვალისწინებული, რაც ძირითადად გზისთვის აუცილებელი მიწის გამოსყიდვას მოიცავს. 2027 წლის ბიუჯეტით კი პროექტზე 30 მილიონი ლარის დახარჯვა იგეგმება, ამასთან 2028 წელს 150 მილიონი ლარის; 2029 წელს 170 მილიონი ლარის; 2030 წელს კი 40 მილიონი ლარის, პროექტის საერთო ღირებულებად კი 442 მილიონი ლარი არის მითითებული.

ამასთან, მნიშვნელოვანია გარემოება, რომ საქართველოს მთავრობის მიერ წელს გაკეთებული განცხადებების თანახმად, პორტმა პირველი გემები 2029 წელს უნდა მიიღოს, თუმცა როგორც ბიუჯეტის პროექტში არის აღნიშნული, მისასვლელი გზის მშენებლობა მხოლოდ 2030 წელს დასრულდება. ბიუჯეტის პროექტში მითითებულია, რომ პროექტის დაფინანსებაზე აზიის განვითარების ბანკთან (ADB) მიმდინარეობს მოლაპარაკებები.

ამასთან, 2027 წლის ბიუჯეტის პროექტში არ არის მითითებული ანაკლიის ღრმაწყლოვან პორტთან მისასვლელი რკინიგზის ბიუჯეტის შესახებ ინფორმაცია. არსებული მდგომარეობით პროექტზე კვლავ მიმდინარეობს ADB-სთან მოლაპარაკებები.

2026 წლის პირველ ივლისს ცნობილი გახდა, რომ საქართველოს მთავრობა ანაკლიის ღრმაწყლოვანი პორტის აშენებას შეცვლილი მოდელით გეგმავს - კერძო ინვესტორის ნაცვლად, პორტს სახელმწიფო ააშენებს, რისთვისაც დამატებით, დაახლოებით, 200 მილიონი დოლარის მობილიზება გახდება საერთაშორისო დონორებისგან საჭირო. პორტის ნავმისადგომების აშენების შემდეგ კი, სახელმწიფო გეგმავს გრძელვადიანი იჯარით გააქირავოს საპორტო ინფრასტრუქტურა სხვადასხვა ქვეყნის კერძო ლოგისტიკურ ჯგუფზე.

ეკონომიკის სამინისტრო ელის, რომ კერძო ოპერატორები, დაახლოებით, 350-400 მილიონი დოლარის ინვესტიციებს ჩადებენ სატერმინალო ინფრასტრუქტურის მოწყობაში.

გაზიარება:

BM.GE

წყარო: bm.ge

ორიგინალი სტატია

თემა: პროექტი

ამ თემას 6 ქართული წყარო აშუქებს — სულ 106 სტატია.

  • საფინანსო-საბიუჯეტო კომიტეტმა "2027-2029 წლების ფულად-საკრედიტო და სავალუტო პოლიტიკის ძირითადი მიმართულებების" პროექტს მხარი დაუჭირარუსთავი 2
  • საქართველოს ბანკის ახალი პროექტი მოსწავლეებისთვის - შეისწავლე სასურველი პროფესია სრული დაფინანსებითტვ პირველი
  • 2026 წელს გამოვყოფთ 38 მილიონ ევროს ახალი პროექტებისთვის – EU-ის საელჩონეტგაზეთი
  • რა წერია ევროპარლამენტის რეზოლუციის პროექტში, რომელიც ოპოზიციური პარტიების აკრძალვაზეაფორმულა
პროექტი →

მსგავსი სტატიები

საქართველომ მოლუსკების ექსპორტიდან $3 მლნ მიიღო, იმპორტი კი 87%-მდე გაიზარდა - სად ვყიდულობთ და ვყიდით?

საქართველომ მოლუსკების ექსპორტიდან $3 მლნ მიიღო, იმპორტი კი 87%-მდე გაიზარდა - სად ვყიდულობთ და ვყიდით?

BM.GE

მსოფლიოს TOP 10 მედიაკომპანია: ინდუსტრიის გიგანტები

მსოფლიოს TOP 10 მედიაკომპანია: ინდუსტრიის გიგანტები

BM.GE

„ნოვა“ საერთაშორისო საფონდო ბირჟაზე გასასვლელად ემზადება

„ნოვა“ საერთაშორისო საფონდო ბირჟაზე გასასვლელად ემზადება

BM.GE

საჰაერო ტაქსი თბილისში - Bartholet-ი საბურთალოს, ლისთან და დიღომთან დამაკავშირებელ საბაგიროს პროექტზე მუშაობს

საჰაერო ტაქსი თბილისში - Bartholet-ი საბურთალოს, ლისთან და დიღომთან დამაკავშირებელ საბაგიროს პროექტზე მუშაობს

BM.GE