24 აგვისტოს ღამეს, დრონების თავდასხმა Ozon-ის კიდევ სამ ობიექტზე განხორციელდა

Ozon-ის ლოგისტიკური ცენტრი მახაჩყალაში უპილოტო საფრენი აპარატების თავდასხმის სამიზნე გახდა. არის რამდენიმე დაშავებული, იუწყება ელკომერციის პლატფორმის პრესსამსახური.

რუსული მედიის ცნობით, თავდასხმა დილის 5 საათისთვის მოხდა, რის შედეგადაც ხანძარი გაჩნდა. ადგილზე საგანგებო სამსახურები მუშაობენ. საწყობის მუშაობა შეჩერებულია.

„ყველა სისტემამ საშტატო რეჟიმში იმუშავა, თანამშრომლების ევაკუაცია ოპერატიულად განვახორციელეთ“, - განაცხადეს კომპანიაში. დაშავებულთა სიცოცხლესა და ჯანმრთელობას საფრთხე არ ემუქრება. „ვიტრინებიდან საქონელი შენახულია და ის საწყობშია განთავსებული. გავაუქმებთ შეკვეთებს, რომელთა მოწოდებასაც სხვა საწყობებიდან ვერ შევძლებთ, ასევე გამყიდველების მოწოდების ჩანაწერებს. დაზარალებული საწყობიდან ლოგისტიკური მარშრუტები სხვა ობიექტებზე ნაწილდება“, - დასძინეს Ozon-ში.

ღამით კომპანიამ გაავრცელა ინფორმაცია, რომ თავდასხმა კრასნოდარში მდებარე ლოგისტიკურ ცენტრზეც მოხდა, სადაც მასშტაბური ხანძარი გაჩნდა. დაშავებულები არ არიან. „საწყობის მუშაობა შეჩერებულია. საწყობში განთავსებულ საქონელს მარკეტპლეისის ვიტრინიდან შევინახეთ, მათ შეკვეთას მომხმარებლები ვერ შეძლებენ. ამ საწყობიდან გასაგზავნი შეკვეთები გაუქმდება, ხოლო თანხა კლიენტებს დაუბრუნდებათ“, - განაცხადეს კომპანიაში.

გარდა ამისა, გასულ ღამეს, დრონების თავდასხმის საფრთხის გამო, განხორციელდა Ozon-ის საწყობების ევაკუაცია ადიღეის და ნევინომისკში. კომპანიის ინფორმაციით, ამ ობიექტების თანამშრომლები არ დაშავებულან, შენობები და შიგნით არსებული საქონელიც არ დაზიანებულა. საწყობები დროებით დახურულია საგანგებო სამსახურების მუშაობის გამო. ადიღეს მეთაურმა მურატ კუმპილოვმა ტახტამუკაის რაიონში Ozon-ის ლოგისტიკური ცენტრის ტერიტორიაზე გაჩენილი ხანძრის შესახებ განაცხადა. „საწყობის კომპლექსის პერსონალის ევაკუაცია განხორციელდა, ამ დროისთვის დაშავებულების დაღუპულების შესახებ ინფორმაცია არ შემოსულა“, — დაწერა მან. რეგიონის ხელმძღვანელის თქმით, ხანძრის ქრობის პროცესში ჩართულია საგანგებო სიტუაციების სამინისტროს ძალები და მაშველები.

ცნობისთვის, 23 აგვისტოს, თავდასხმა მოხდა Ozon-ის საწყობზე ორენბურგის ოლქში, საიდანაც 300-ზე მეტი ადამიანის ევაკუაცია განხორციელდა. მანამდე, 22 აგვისტოს, დრონის დარტყმის ქვეშ მოჰყვა ელექტრონული კომერციის პლატფორმის საწყობი სამარის ოლქში, საიდანაც 500 ადამიანი გამოიყვანეს. სააგენტო ТАСС-ის მონაცემებით, საწყობზე დარტყმის შედეგად სამმა ადამიანმა მსუბუქი დაზიანება მიიღო, ერთი კი მძიმე მდგომარეობაშია.

Ozon-ის საწყობებზე თავდასხმებამდე, ივლისის მეორე ნახევრიდან, უკრაინული დარტყმების სამიზნე გახდა Wildberries-ის საწყობები, მათ შორის კრასნოდარში, სტავროპოლის მხარეში, პენზის ოლქში, უდმურტთში, ვოლგოგრადის ოლქში, თათრეთში, სამარის, ვლადიმირის, ლენინგრადის, ტვერის, მოსკოვისა და ტულის ოლქებში.