ევროკავშირში მწეველთა რაოდენობით ბულგარეთი ლიდერობს - Eurostat-ის მონაცემები

ევროპარლამენტმა ევროკავშირის წევრ ქვეყნებში მწეველთა რაოდენობის შესახებ ახალი მონაცემები გამოაქვეყნა, რომელიც Eurostat-ის 2023 წლის სტატისტიკას ეყრდნობა. კვლევის მიხედვით, ევროკავშირში მწეველთა საშუალო მაჩვენებელი მოსახლეობის 24%-ს შეადგენს, თუმცა წევრ სახელმწიფოებს შორის მონაცემები მნიშვნელოვნად განსხვავდება.

ქვეყნები თამბაქოს მოხმარების ყველაზე მაღალი მაჩვენებლით:

რეიტინგის სათავეში ბულგარეთი იმყოფება, სადაც მოსახლეობის 37% მწეველია. მაღალი მაჩვენებლებით გამოირჩევიან შემდეგი ქვეყნებიც:

• ბულგარეთი - 37% • საბერძნეთი - 36% • ხორვატია - 35% • რუმინეთი - 34% • ლატვია - 33% • ავსტრია - 32%

ქვეყნები თამბაქოს მოხმარების ყველაზე დაბალი მაჩვენებლით:

თამბაქოს მოხმარების ყველაზე დაბალი მაჩვენებელი შვედეთში ფიქსირდება, სადაც მოსახლეობის მხოლოდ 8% ეწევა. ევროპარლამენტის ინფორმაციით, უახლესი შიდა ეროვნული მონაცემების მიხედვით, შვედეთი გახდა პირველი ქვეყანა ევროკავშირში, რომელმაც უკვე 2025 წლისთვის მიაღწია ევროკავშირის მიერ 2040 წლისთვის დასახულ სამიზნე ნიშნულს (მწეველთა წილის 5%-მდე შემცირება).

ყველაზე ნაკლებად მწეველი ქვეყნების სია ასე გამოიყურება:

• შვედეთი - 8% • ნიდერლანდები - 11% • დანია - 14% • ფინეთი - 15% • ირლანდია - 16%

ევროკავშირის გაცხადებული მიზანია, 2040 წლისთვის წევრ ქვეყნებში მწეველთა რაოდენობა მოსახლეობის 5%-ზე ნაკლები იყოს.

ანგარიშში აღნიშნულია, რომ წარმოდგენილი მონაცემები არ მოიცავს თამბაქოს სხვა ალტერნატიული პროდუქტების, როგორიცაა ელექტრონული სიგარეტები, მოხმარების სტატისტიკას.