ფედერალურმა მოსამართლემ ტრამპს CNN-ის, MS NOW-სა და Politico-ს ჟურნალისტების თეთრ სახლში დაშვება დაავალა
ფედერალურმა მოსამართლემ აშშ-ის პრეზიდენტ დონალდ ტრამპს დაავალა, აღუდგინოს თეთრ სახლში დაშვების უფლება CNN-ის, MS NOW-ისა და Politico-ს ჟურნალისტებს. სასამართლოს გადაწყვეტილებაში აღნიშნულია, რომ მედიასაშუალებების თეთრ სახლში დაშვების აკრძალვა არაკონსტიტუციურია.
როგორც Reuters წერს, მედიასთან ტრამპის ერთ-ერთ ყველაზე დიდ დაპირისპირებაში მოსამართლე ტიმ კელის ბრძანება სერიოზული დარტყმაა. კოლუმბიის ოლქის ფედერალურმა მოსამართლემ გადაწყვეტილება მიიღო იმ სარჩელის საფუძველზე, რომელიც საინფორმაციო ორგანიზაციებმა 18 სექტემბერს გამოცხადებული აკრძალვის შემდეგ შეიტანეს.
კელიმ ტრამპის ადმინისტრაციას დაავალა, დაუყოვნებლივ დაუბრუნოს მედიასაშუალებებს აკრედიტაციები. მოსამართლემ უარყო მთავრობის მტკიცება იმის შესახებ, თითქოს აკრძალვა ეროვნული უსაფრთხოების ინტერესებით იყო გამოწვეული. სასამართლოს გადაწყვეტილებაზე თეთრ სახლს ჯერჯერობით კომენტარი არ გაუკეთებია.
ტრამპმა აკრძალვის შესახებ 18 სექტემბერს სოციალურ ქსელში დაწერა და აღნიშნა, რომ მედიასაშუალებებს არ უნდა შეეძლოთ მუდმივად წერონ ან გააშუქონ გამოგონილი ამბები და ტყუილები, როდესაც აშშ-ის პრეზიდენტს აშუქებენ.
BM.GE
წყარო: bm.ge