სამხრეთ კორეის ყოფილ პრეზიდენტს დამატებით ორწლიანი პატიმრობა მიუსაჯეს

სეულის ცენტრალურმა საოლქო სასამართლომ სამხრეთ კორეის ყოფილ პრეზიდენტს, იუნ სუკ იოლს დამატებით ორწლიანი პატიმრობა მიუსაჯა. მოსამართლის განაჩენის თანახმად, ყოფილმა ლიდერმა პოლიტიკური დაფინანსების შესახებ კანონი დაარღვია.

მან პოლიტიკური საბროკერო ორგანიზაციისაგან მომსახურება 14 ეტაპად, უფასო მიიღო, სასამართლოს დათვლებით კი ამ სერვისის ღირებულება 270 მილიონ ვონს ($179 800) შეადგენდა. უფასო მომსახურების სანაცვლოდ იუნ სუკ იოლმა საბროკეროსთან დაკავშირებული პირის საკანონმდებლო ორგანოში დანიშვნის პროცესზე გავლენა მოახდინა.

თავად იუნ სუკ იოლმა ბრალდებები კატეგორიულად. მისი განცხადებით, მას წინასაარჩევნოდ რჩევები არ მოუთხოვია და სანაცვლოდ არც არავის დაჰპირებია რამეს. ექსპრეზიდენტის ადვოკატი აცხადებს, რომ პირველი ინსტანციის გადაწყვეტილებას სააპელაციო სასამართლოში გაასაჩივრებენ.

ცნობისთვის, 65 წლის იუნ სუკ იოლის წინააღმდეგ სულ რვა სამართლებრივი საქმე მიმდინარეობს. ამჟამად, იგი ასაჩივრებს თებერვალში გამოტანილ უვადო პატიმრობის განაჩენს, რომელიც 2024 წელს საომარი მდგომარეობის გამოცხადებასა და ამბოხების მოწყობას უკავშირდება. აღსანიშნია, რომ გასულ კვირას უზენაესმა სასამართლომ ყოფილ პრეზიდენტს მისი დაკავების მცდელობისთვის ხელის შეშლის გამო შვიდწლიანი პატიმრობაც საბოლოოდ მიუსაჯა.