ტრამპის კომპანია $344 მილიონის ბიტკოინის გაყიდვას აპირებს?

აშშ-ის პრეზიდენტის კომპანია Trump Media & Technology Group-მა კრიპტობირჟა Crypto.com-ზე დაახლოებით 4,259 ერთეული ბიტკოინი გადარიცხა, რომლის საერთო ღირებულებაც $344 მილიონს შეადგენს.

ამ მსხვილმა ტრანზაქციამ, ბუნებრივია, ბაზარზე ბიტკოინის შესაძლო გაყიდვის შესახებ მოლოდინები გააჩინა, რადგან აღნიშნული მოცულობა თითქმის სრულად ემთხვევა კომპანიის კონვერტირებადი ობლიგაციების უზრუნველყოფის სახით ჩადებული გირაოს მოცულობას. შესაბამისად, ინვესტორები ფიქრობენ, რომ ვალდებულებების გადასაფარად ტრამპის კომპანია მის მფლობალობაში არსებული ბიტკოინის დიდ ნაწილს გაყიდის, სწორედ ამიტომ გადაიტანეს ეს 4,259 ბიტკოინი ბირჟაზე.

უნდა აღინიშნოს, რომ წარსულში Trump Media-ს აქტივები Crypto.com-ზე შენახვის მიზნითაც გადაუტანია ისე, რომ მონეტები არ გაუყიდია, რაც ამჟამინდელი გადარიცხვის ზუსტ დანიშნულებას ჯერჯერობით ბუნდოვანს ტოვებს.

საერთო ჯამში, Trump Media & Technology Group-ის მფლობელობაში 9,542 ბიტკოინია, რაც იმას ნიშნავს, რომ ამჟამად ბირჟაზე კომპანიის კრიპტორეზერვის 45%-ია გადატანილი.