ტრამპი: რუსეთი და უკრაინა ენერგეტიკულ ობიექტებზე ცეცხლის შეწყვეტაზე შეთანხმდნენ
აშშ-ის პრეზიდენტმა დომალდ ტრამპმა სოციალურ ქსელში დაწერა, რომ რუსეთი და უკრაინა "ენერგეტიკულ ზავზე" შეთანხმდნენ.
"ამ მომენტიდან რუსეთსა და უკრაინას შორის ომში "ენერგეტიკული ზავი" მოქმედებს - ამაზე ორივე მხარე შეთანხმდა.
არ დაარღვიოთ!
გმადლობთ ამ საკითხისადმი ყურადღებისთვის", - წერს ტრამპი.
უკრაინასა და რუსეთს შეთანხმება ოფიციალურად ჯერ არ დაუდასტურებიათ.
"ცეცხლის შეწყვეტის შესახებ განცხადება ჩემთვის სიახლეა. მაგრამ თუ რუსები ენერგეტიკულ ზავზე თანახმა არიან, უკრაინაც დათანხმდება. თუ პრეზიდენტმა ტრამპმა ეს პუტინთან შეათანხმა, გთხოვთ, გვითხრათ, როდის იწყება ცეცხლის შეწყვეტა. ჩვენ მზად ვართ და დავთანხმდებით" - უთხრა უკრაინის პრეზიდენტმა ვოლოდიმირ ზელენსკიმ Axios-ის ჟურნალისტს.
მანამდე, უკრაინის პრეზიდენტთან დაახლოებულმა წყარომ CNN-ს განუცხადა, რომ ტრამპის განცხადება მათთვის მოულოდნელი იყო, თუმცა უკრაინა დათანხმდება, თუ რუსეთიც გაიზიარებს პირობებს..
მედიის ინფორმაციით, დიზელის საწვავის შესახებ შეთანხმების გამოცხადების პარალელურად, მაიამიში დაიწყო მოლაპარაკებები უკრაინისა და აშშ-ის მაღალჩინოსნებს შორის. მოლაპარაკებებში მონაწილეობდნენ ჯარედ კუშნერი და სტივ უიტკოფი.
მანამდე, ტრამპმა ზელენსკის რუსეთის ნავთობგადამამუშავებელ ქარხნებზე თავდასხმების შეწყვეტისაკენ მოუწოდა. ტრამპის მტკიცებით, ზელენსკის ქმედებები ამერიკელ ფერმერებს აზარალებს.
ზელენსკის თქმით, უკრაინა მზად არის დეესკალაციისკენ მიმართული ნაბიჯების გადასადგმელად, თუმცა მხოლოდ იმ შემთხვევაში, თუ ეს ნაბიჯები ორმხრივი იქნება.
ფორმულა
წყარო: formulanews.ge