ევროკავშირში გერმანიას საზღვრებზე შემოწმებების შეწყვეტას სთხოვენ

ევროკომისარმა მიგრაციის საკითხებში, მაგნუს ბრუნერმა გერმანიას საზღვრებზე შემოწმებების გაუქმებისკენ კიდევ ერთხელ მოუწოდა, რაც მიგრანტების რაოდენობის შემცირებასა და თავშესაფრის მიცემის ახალი წესების შემოღებას უკავშირდება.

„ახლა დადგა დრო, ევროპის შიგნით სასაზღვრო კონტროლი ეტაპობრივად გაუქმდეს“, - განაცხადა მან.

თავისი მოწოდება მან იმით ახსნა, რომ ევროკავშირის საგარეო საზღვრები უკეთესად არის დაცული, ხოლო საზღვრის უკანონო გადაკვეთის შემთხვევების რაოდენობა მკვეთრად შემცირდა - წლის პირველ 6 თვეში ევროკავშირის სააგენტო Frontex-მა ევროპის საგარეო საზღვრებზე დაახლოებით მესამედით ნაკლები არალეგალური გადაკვეთა დააფიქსირა.გარდა ამისა, 12 ივნისს ძალაში შევიდა ევროპული რეფორმა თავშესაფრის მიცემის სისტემის შესახებ (GEAS).

ევროკომისარმა აღნიშნა, რომ ზოგიერთი წევრი ქვეყანა უკვე სწორი მიმართულებით დგამს ნაბიჯებს. კერძოდ, ტრირის ავტომაგისტრალზე, გერმანია-ლუქსემბურგის საზღვარზე, სასაზღვრო შემოწმებები უკვე გაუქმდა.