გურამ მაჭარაშვილი სააკაშვილზე: არ ვიყიდებითო, ეს არ უთქვამს, ასე დაბალ ფასად არ ვიყიდებითო

იმედი გვაქვს, საკონსიტუციო სასამართლო გონივრულ ვადაში აკრძალავს ამ მავნებელ ე.წ პარტიებს და ჯანსაღი პოლიტიკური პარტიები წარმოვლენ ქართულ პოლიტიკურ სპექტრში, - განაცხადა „ხალხის ძალის“ ერთ-ერთმა ლიდერმა გურამ მაჭარაშვილმა ოპოზიციაში მიმდინარე პროცესებზე საუბრისას.

მისივე თქმით, ოპოზიციას არაფერი გააჩნია და ერთმანეთში ჰაერისთვის მაინც ჩხუბობენ.

„სააკაშვილს, რა თქმა უნდა, ეცოტავა რომ 40-დან 4 მლნ-მდე დავიდა მყისიერად გვარამია, ამაზე პრეტენზია ჰქონდა, თქვა, რომ ასეთი დაბალი ფასი არ არისო. ანუ არ ვიყიდებითო, ეს არ უთქვამს, ასე დაბალ ფასად არ ვიყიდებითო. რა იყო, რამდენიმე დღეს მაინც ყოფილიყნენ 40 მლნ-იანი „ნაცმოძრაობის“ წევრები, გვარამიამ მყისიერად 4 მლნ-ზე ჩამოიყვანა. ეს ვაჭრობა, რა თქმა უნდა, გაგრძელდება. როგორც მათი დაპირებები და მოლოდინები ყოველთვის ჰაერი იყო, ასევე დღეს ჩხუბობენ ერთმანეთში ჰაერისთვის. არაფერი არც ერთს არ გააჩნია, მაგრამ მაინც ბრძოლობენ. ეს, რა თქმა უნდა, საქართველოსთვის არის კარგი. იმედი გვაქვს, საკონსიტუციო სასამართლო გონივრულ ვადაში აკრძალავს ამ მავნებელ ე.წ პარტიებს და ჯანსაღი პოლიტიკური პარტიები წარმოვლენ ქართულ პოლიტიკურ სპექტრში“, - განაცხადა მაჭარაშვილმა.

„ნაციონალურმა მოძრაობამ“ ის დაადასტურა, რასაც „ქართული ოცნება“ და „ხალხის ძალა“ დიდი ხნის წინ ამბობდნენ. მაშინ როდესაც ნიკა გვარამია, რუსთავი 2-ის გაძარცვისთვის იხდიდა სასჯელს, ეს სტრასბურგმაც დაადასტურა და ახლა ანა წითლიძემაც. რაც შეეხება გვარამიას მიერ, „ნაციონალური მოძრაობის“ 4 მილიონად შეფასებას, ამ შემთხვევაში საააკშვილმა დაადასტურა, რომ ისინი უფრო ძვირად იყიდებიან.