კახა კალაძე: ძლიერმა წვიმამ ქალაქის ზოგიერთ რაიონში, კონკრეტულ ქუჩებზე შექმნა პრობლემები. ჩვენი შესაბამისი სამსახურები მაქსიმალურად მობილიზებულები არიან, ყველა ჩვენი უწყების თანამშრომელი გამოსულია ქუჩებში, სხვადასხვა ლოკაციაზე, სადაც საჭიროება და აუცილებლობაა

„ძლიერმა წვიმამ ქალაქის ზოგიერთ რაიონში, კონკრეტულ ქუჩებზე შექმნა პრობლემები. ჩვენი შესაბამისი სამსახურები მაქსიმალურად მობილიზებულები არიან“, - განაცხადა თბილისის მერმა კახა კალაძემ ვიდეომიმართვაში.

კალაძის თქმით, ყველა უწყების თანამშრომელი გასულია ქუჩებში, სხვადასხვა ლოკაციაზე, სადაც საჭიროება და აუცილებლობაა.

„ძალიან ძლიერად წვიმს თბილისში. ქალაქის ზოგიერთ რაიონში, კონკრეტულ ქუჩებზე შექმნა პრობლემები. ჩვენი შესაბამისი სამსახურები მაქსიმალურად მობილიზებულები არიან. ყველა ჩვენი უწყების თანამშრომელი გამოსულია ქუჩებში, სხვადასხვა ლოკაციაზე, სადაც საჭიროება და აუცილებლობა არის. თბილსერვისის სამსახური არის სრულ მზადყოფნაში, გამგეობები. ასევე, შინაგან საქმეთა სამინისტრო, საპატრულო პოლიცია, რომელიც ძალიან გვეხმარება იმაში, რომ ჩაიკეტოს კონკრეტული გზის მონაკვეთები პრევენციულად, რათა პრობლემა არ იყოს. მიმდინარეობს გაწმენდითი სამუშაოები. ჩვენ ახლა ვიმყოფებით სანაპიროზე, სადაც შეიქმნა გარკვეული პრობლემა, დატბორვაა, თუმცა წყალმა უკვე დაიწყო გადინება. სანიაღვრე ჭების თავები წამოწეულია და გახსნილია. იყო გარკვეული ლოკაციები, სადაც იყო დატბორვა, უნივერსიტეტის, თამარაშვილის ქუჩა“, - აღნიშნა კახა კალაძემ.