მიხეილ ყაველაშვილი: ჩვენს როლზე საუბრობს აზერბაიჯანი, თურქეთი, შუა აზიის ქვეყნები, შეიძლება გასაოცარი იყოს, მაგრამ ამაზე საუბრობს ჩინეთი
ჩვენს როლზე საუბრობს აზერბაიჯანი, თურქეთი, შუა აზიის ქვეყნები, შეიძლება გასაოცარი იყოს, მაგრამ ამაზე საუბრობს ჩინეთი, - განაცხადა გადაცემაში „იმედი Live” საქართველოს პრეზიდენტმა მიხეილ ყაველაშვილმა.
მისივე თქმით, საქართველოსთან მიმართებით ამ ქვეყნების ღირსეული დამოკიდებულება სამაგალითოა.
“ვარ დღეს დამოუკიდებელი ქვეყანა, დამოუკიდებლად შემიძლია გადაწყვეტილების მიღება ჩემი ეროვნული ინტერესიდან გამომდინარე, ოღონდ ურთერთპატივისცემაზე დაყრდნობით. მე ირანშიც ვბრძანდებოდი, დამოუკიდებლობის აღდგენის შემდეგ ეს ქვეყანა ჩვენთან მიმართებაში ყოველთვის კონსტრუქციული იყო, აღიარებს ჩვენს ტერიტორიულ მთლიანობას. ჩვენს როლზე საუბრობს აზერბაიჯანი, თურქეთი, შუა აზიის ქვეყნები. შეიძლება გასაოცარი იყოს, მაგრამ ამაზე საუბრობს ჩინეთი. როცა თანასწორად გესაუბრება შენ უკვე წარმოადგენ ღირსეულ ქვეყანას, როცა ასეთი ურთიერთობებია შენთან მიმართებაში, ეს ღირსეული დამოკიდებულება სამაგალითოც კი არის”, - განაცხადა მიხეილ ყაველაშვილმა.
იმედი
წყარო: imedinews.ge