თენგიზ შარმანაშვილი ოპოზიციურ ალიანსზე: ასეთ გაერთიანებას ვერანაირი პერსპექტივა ვერ ექნება, რადგან ხალხის მხარდაჭერა ნული აქვთ, ერთმანეთის აუტანლობა კი უმაღლეს დონეზე აქვთ აყვანილი

ასეთ გაერთიანებას ვერანაირი პერსპექტივა ვერ ექნება, რადგან რესურსი ნული აქვთ, ხალხის მხარდაჭერა ნული აქვთ და ერთმანეთის აუტანლობა უმაღლეს დონეზე აქვთ აყვანილი, - განაცხადა თენგიზ შარმანაშვილმა ოპოზიციურ ალიანსზე საუბრისას.

პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილე მიიჩნევს, რომ ეს ალიანსიც დაიშლება.

„ეს ორგანიზაცია როგორც მკვდრად იშვა, ასევე დაიშლება ყოველგვარი სახის შენარჩუნების გარეშე. მათ რიტორიკას ორი მიმართულება აქვს. პირველი მიმართულია გარე ფაქტორებისადმი, რომ ჩვენში ტყუილად არ ხარჯავთ ფულს და რაღაც რესურსი გაგვაჩნიაო და მეორე მიმართულია იმ მცირე რაოდენობის ამომრჩევლებისადმი, რომელთანაც ჯერ კიდევ ინარჩუნებენ კავშირს“, - განაცხადა შარმანაშვილმა.