სომხეთმა და აზერბაიჯანმა ელექტროენერგიით ვაჭრობის საკითხი განიხილეს
სომხეთისა და აზერბაიჯანის წარმომადგენლებმა ლაჩინში გამართულ სამუშაო შეხვედრაზე ორ ქვეყანას შორის ელექტროენერგიის იმპორტ-ექსპორტის შესაძლებლობები და სახელმწიფო საზღვარზე ენერგეტიკული ინფრასტრუქტურის დაკავშირების პერსპექტივები განიხილეს.
როგორც ირკვევა, ორმხრივ შეხვედრაში სომხეთის ტერიტორიული მართვისა და ინფრასტრუქტურის სამინისტროს, კომპანია "ელექტროენერგეტიკული სისტემის ოპერატორის", აზერბაიჯანის ენერგეტიკის სამინისტროსა და სააქციო საზოგადოება AzerEnergy-ს წარმომადგენლები მონაწილეობდნენ.
აზერბაიჯანის მინისტრთა კაბინეტისა და სომხური უწყების ცნობით, მხარეებმა ყურადღება ენერგოსისტემების ინტეგრაციისა და სასაზღვრო ზოლში შესაბამისი ტექნიკური მექანიზმების შემუშავებაზე გაამახვილეს.
ცნობისთვის, აქამდე მეზობელ სახელმწიფოებს შორის ელექტროენერგიით ვაჭრობა შეზღუდული იყო.
BM.GE
წყარო: bm.ge